Cordialmaing invidaina a l'eivna da gegünar dals 29 marz fin als 6 avrigl
I dà differents motivs per gegünar: solidarità cun glieud chi patischa fom, far alch per la sandà, per as deliberar internamaing o simplamaing perder ün per kils. Id es istess perchè cha Vo laivat far l’experimaint dal gegünar, Vo eschat invidadas ed invidats cordialmaing a noss’eivna da gegünar.
Creschüdas e creschüts da buna sandà, cun o sainz’experienza da gegünar sun bainvissas e bainvis. La Corporaziun evangelica Sent spordscha ün’eivna da gegünar in gruppa, gegünar as poja imprender, in gruppa esa plü simpel.
Ün’eivn’avant esa ün uschedit pre-inscunter sainz’obligs. Qua as survegna infuormaziuns ed i vain scleri dumondas. Il gegünar cumainza cun 2-3 dis da dis-chargiar, i’s cuntinua cun 5 dis gegünar cumplessiv (in nos cas es quai baiver schüs) e finischa cun 2-3 dis dar structura.
Pre-inscunter: lündeschdi, 24 marz a las 19:30 in chasa da pravenda, plan terrain
Eivna da gegünar: Dis da dis-chargiar 29 e 30 marz, gegünar 31 marz fin 4 avrigl, dar structura: 5 e 6 avrigl
Mincha saira da las 18.30-19.30 daja la pussibiltà da s’inscuntrar e baratar experienzas.
Vo pudaivat s’annunzchar fin als 23 marz per e-mail (hpmathes@bluewin.ch) o per telefon 079 583 79 56.
Cordialmaing
Rav. Hans-Peter Mathes, rimplazzant in pravenda
