Confirmaziun

Giuvenils e giuvenilas vegnan confirmats e confirmadas in ün cult divin da benedicziun sco finischun da l’instrucziun da religiun, q.v.d. lur battaisem vain confermà (confirmaziun significha conferma dal battaisem.
Per as preparar per la confirmaziun van ils giuvens e las giuvnas illas uras da confirmands. Els ed ellas as confrunteschan cun dumondas da la vita e da la cretta e cun l’incumbensa da la baselgia e la vita ecclesiastica, quai per dvantar majorens illa baselgia. Els ed ellas fan l’experienza, cha la cretta cristiana po dar forza, curaschi e cuffort, libertà interna e fidanza.
L’instrucziun po avair differentas fuormas, lecziuns singulas, workshops o chomps.
Cun 16 ons dvaintan ils confirmats e las confirmadas commembers e survegnan ils drets d’eleger e vuschar e pon gnir padrin o madrina pro’l battaisem.
La pravenda dà jent ulteriur sclerimaint.

Uras da confirmands

Ils giuvenils da 15 ons piglian part a las uras da confirmands per gnir confirmats.