Cults divins

A quel chi ha said vögl eu dar da baiver gratuitamaing our da la funtana chi sbuorfla l’aua da la vita.

(revelaziun da Joannes, 21,6)

Il cult divin es ün elemaint d'importanza illa vita ecclesiastica ed il lö d’inscunter d’indigens e da giasts.
Cun pled e musica reflettaina cha no vain d’ingrazchar la vita a la forza creativa da Dieu chi ans nudrischa ed ans cufforta.
Per regla esa duos jadas al mais cult divin in nossa baselgia San Lurench a Sent, dürant il temp da Nadal o Pasqua esa cult divin plü suvent.
I dà cults divins per rumantsche e per tudais-ch.
La stà esa ün cult divin aint in Alp Prà San Flurin.

Infuormaziuns detagliadas dà il chalender d'occurenzas opür il plan da predgias plü aval per chargiar giò.

Cult divin da famiglia

Dürant ils mais november e favrer daja pel plü ün cult divin da famiglia, manà da nossa predichanta laica Seraina Guler, ingio cha'ls scolars e las scolaras inrichischan il cult divin cun aignas contribuziuns.