La collecta dal cult divin da Tschinquaisma es ida a trais fradgliuns sün üna pauraria in Rumenia.
Hans-Peter Mathes, nos ravarenda dürant l'inviern e prümavaira passada, ha ramassà la collecta dal cult divin da Tschinquaisma per üna pauraria in Rumenia. Quella fan ir trais fradgliuns e douvran il sustegn finanzial per lavurs da renovaziun vi da lura stabilimaints.
Els vivan cun quaranta chavras, trais büfals, ün chavagl, üna scossa da giallinas ed ün chan sün lur pauraria.
Las fotografias illa gallaria muossan ün pêr impreschiuns da la pauraria. Süll'ultima fotografia as vezza üna part dals quadrels da tet pella renovaziun dal tet chi han pudü gnir cumprats.
Ils trais fradgliuns Emanuel, Katharina e Teresa ingrazchan da tuot cour pro no pel sustegn finanzial.
